На сите посетители на блогов ви посакувам Новата година да ви биде поуспешна од претходнава. И наставниците и учениците и родителите да бидат позадоволни едни од други. За тоа да се случи потребно е секој да го даде својот мал (или уште подобро поголем) придонес.
А јас посакувам да сте поприсутни на блогов, повеќе да комуницираме. Секако од тоа нема никој да има зијан, а може некој да има и полза.
Се надевам дека набрзо компјутерите во училиштата и интернетот ќе функционираат и наставниците ќе можат непречено електронски да комуницираат.
Една наша неодамнешна мала анкета покажа дека во многу училишта нема доволно компјутери во функција или нема интернет и на наставниците не им се достапни сите благодети што тој ги дава.
И убав зимски распуст за време на кој ќе има нешто време за порелаксирана стручна размена на искуства (за оценувањето се разбира) и за малку одмор.
Попатно, како сте задоволни со оценувањето и полугодишниот успех?
ИНФОРМАЦИИ И ПРИЈАВА ЗА НАУК
Пред 13 години
Објави
7 коментари:
Најпрво Среќни празници и се најдобро. Во врска со Вашето прашање како наставник сум задоволна , но секогаш се може повеќе.Но со новините и помошта од Ваша страна преку обуките и прирачниците кои овозмошија да оценувањето оди кон позитивна насока и е транспарентно и објективно. Преку критериумите и стандардите и учениците се способни да ги согледаат своите постигања и недостатоци и самите реално да се оценат.Сето ова води кон поголемо залагање од нивна стана.
Поздрав Николетка
Ептем ме радува кога ќе чујам вакви согледувања. Мислам дека тоа е вистинскиот пат за подобрување на оценувањето (и учењето), а не преку заплашување (на пример со екстерно оценување) било на наставниците, било на учениците. Тоа може би ќе даде некои резултати, но на кус рок (додека не помине заканата).
Најнапред нека ни се среќни празнициве и уште поголем успех во иднина.
Јас сум наставник по информатика. Децата сакаат да имаат информатика. Сакам да применам се што сме работеле на обуките што сум ги посетила но, што ако еден компјутер ви земе педагогот, еден ви земе секретарот, а еден директорот од вкупно донесени 5 компјутери. Компјутерите за секое дете не се стасани и наидувам на проблем. Некогаш ниту желбата.ниту љубовта кон работата не помага
Кај и да е комјутерите од програмата “Комјутер за секое дете“ ќе стигнат во сите училишта. Тоа, се разбира, не е решение за сегашните проблеми со немање компјутери и немање интернет.
Ако некој методичар може да најде креативни решенија за наставата по другите предмети без користење на компјутери, сигурно никој не може да најде добро решение за настава по информатика без да имате комлутер барем за секои 2-3 деца.
Може ли да ми пишете од кое училиште сте на е-mail gmickovska@pep.org.mk ?
Секое добро и нека не Ве напушта оптимизмот.
Поздрав,
Горица
Почитувани колеги наставници и вработени во образованието,
Горда сум што работам во образование и задоволна сум од својата работа со учениците. Она што овие 15 години поминати во образование ме растажува е кога ке чујам коментар од некои вработени во образование од типот:работел - не работел платата еднаш месечно ке стигне. Ова мора да се менува и нашата мобилност на повисоко ниво, не само заради нашите ученици, туку и заради нас и нашата професионална етика.
Даница Алексиеска
Od se srce vi gi destitam novogodisnite praznici i Vi posakuvam mnogu zdravje i uspesi na site polinja.Vo vrska so Vaseto prasanje,kako rabotnik licno sum zadovolna,no sepak ne mozam nesto posebno da se pofalam.Postojat poveke faktori koi pridonesuvaat da mojot odgovor ne celosno pozitiven,no sepak sega ne mi e celta toa da go istaknam.
Vo moeto uciliste vo koe rabotam kako strucen sorabotnik,a koe e dvojazicno,od seto ona sto dosega sme go sledele po seminarite,od ona sto sme go implementirale vo nasata sekojdnevna praksa,i ne mozam mnogu da se pofalam.Samo eden nastavnik,potocno nastavnicka po informatika pokaza interes i potreba od sorabotka i konsultacii vo vrska so primenata na novite standardi.Taa se potrudi da napravi nesto,a jas smetam deka vo najskoro vreme i ke VI gi ispratam materijalite,samo ostana nesto da dosredime otkako ke pocneme na rabota.
Ve pozdravuvam i se nadevam na nasa idna sorabotka.
Pozdrav Margarita,Tetovo
Објави коментар